បទយកការណ៍ podcast - Listen online for free

Available Episodes

of

បទយកការណ៍ - យុទ្ធនាការ «ផ្ទះ១អំពូល១» របស់អភិបាលស្រុកបន្ទាយស្រី ទទួលបានការស្វាគមន៍ពីអ្នកភូមិព្រះដាក់

យុទ្ធនាការ «ផ្ទះ១អំពូល១» ដែលជាដំណាក់កាលសាកល្បងរបស់អភិបាលស្រុកបន្ទាយស្រី ក្នុងខេត្តសៀមរាប ដើម្បីប្រែក្លាយភូមិជនបទមួយនេះ ជាភូមិគំរូ ហាក់ដូចជាទទួលបានការស្វាគមន៍ច្រើនពីអ្នកភូមិ។ ការស្វាគមន៍ពីអ្នកភូមិ ព្រោះពួកគាត់យល់ថាយុទ្ធនាការនេះ ជួយសម្រួលដល់ជីវភាពរស់នៅរបស់ពួកគាត់ ព្រមទាំងមិនចាំបាច់ចំណាយប្រាក់ផ្ទាល់ខ្លួនទៀតផង។

បទយកការណ៍ - លោក កែវ សាន់ វិចិត្រករឆ្នើមអំឡុងឆ្នាំ១៩៨០កំពុងគូររូបយ៉ាងស្ងៀមស្ងាត់នៅទីតាំងតូចមួយនៃផ្សារថ្មី

នៅក្នុងនាទីបទយកការណ៍របស់យើងរាត្រីនេះ អេង គីមហុង សូមនាំអារម្មណ៍លោកអ្នកនាងទៅស្គាល់លោក កែវ សាន់ អ្នកគូររូបដ៏ឆ្នើមនៅក្នុងចន្លោះឆ្នាំ១៩៧៥ ដល់ឆ្នាំ១៩៨០។ ស្នាដៃរបស់គាត់កាលពីអតីតកាលត្រូវបានរំលេចឡើងតាមរយៈ រូបគំនូរនៅមុខរោងកុនធំៗក្នុងរាជធានីភ្នំពេញ។ ក្រៅពីគំនូរ លោក កែវ សាន់ មានជំនាញសសេរអក្សរលើផ្ទាំងបដាធំៗ អំឡុងសម័យសង្គមរាស្រ្តនិយមផងដែរ។ ស្ថិតក្នុងវ័យ៨៥ឆ្នាំ បច្ចុប្បន្នលោក កែវ សាន់ រស់ពឹងលើជំនាញនេះដដែល នៅទីតាំងតូចមួយនៃផ្សារធំថ្មី។

បទយកការណ៍ - សមាគមសិល្បៈខ្មែរនៅបារាំង និងនៅអាមេរិករួមគ្នាដំឡើងទស្សនីយភាព រាមកេរ្តិ៍

នៅថ្ងៃអាទិត្យទី ១៩មករា ២០២០ នៅជាយក្រុងប៉ារីស នឹងមានការសំដែងទស្សនីយភាព រឿងរាមកេរ្តិ៍ ដែលរៀបចំដំឡើងរួមគ្នា ជាលើកទី១ ដោយសមាគមសិល្បៈ ខ្មែរ ដែលមានទីតាំងនៅប្រទេសបារាំង និងសមាគម របាំអង្គរ មកពីទីក្រុងLowell Massachusetts សហរដ្ឋអាមេរិក។ ការសំដែងរួមបញ្ចូលគ្នារវាងក្រុមរបាំខ្មែរ មកពីអាមេរិក និងបារាំង ជាគំនិតផ្តួចផ្តើមរបស់សាស្រ្តាចារ្យរបាំ២រូប គឺលោកស្រី ម៉ម កនិ្នការ និងលោកស្រី ហ៊ុយ ភូស៊ីតា។ ឈាង បុប្ផាបានទៅជួបសម្ភាសន៍ផ្ទាល់ នៅកន្លែងហាត់សមរបស់ក្រុមសិល្បករទាំងពីរក្រុម កាលពី ថ្ងៃព្រហស្បតិ៍ទី ១៦ មករា។

បទយកការណ៍ - ពលរដ្ឋនៅសង្ខាងកំណាត់ផ្លូវជាតិលេខ៣ស្នើឲ្យអ្នកធ្វើផ្លូវស្រោចទឹកជាប្រចាំដើម្បីកាត់បន្ថយប៉ះពាល់សុខភាព

កំណាត់ផ្លូវជាតិលេខ៣ពីចំណុចចោមចៅទៅដល់ថ្នល់បែកគូសក្នុងស្រុកត្រាំកក់ខេត្តតាកែវ ត្រូវបាននិងកំពុងធ្វើការពង្រីកជា៤គន្លងដើម្បីងាយស្រួលធ្វើដំណើរ។ ប៉ុន្តែនៅក្នុងដំណាក់កាលកំពុងស្ថាបនានេះកំណាត់ផ្លូវជាតិលេខ៣កំពុងមានសភាពហុយដីទ្រលោមប្រៀបដូចផ្សែងអាប់នៅលើអាកាសា។ តាមរយៈអ្នកយកព័ត៌មានវិទ្យុបារាំងអន្តរជាតិRFI ពលរដ្ឋជាច្រើនដែលរស់នៅសងខាងផ្លូវជាតិ៣ និងអ្នកធ្វើដំណើរឆ្លងកាត់ផ្លូវនេះ សំណូមពរឲ្យអ្នកម៉ៅការស្ថាបនាផ្លូវនេះ ស្រោចទឹកជាប្រចាំដើម្បីកាត់បន្ថយការហុយដីដែលធ្វើឲ្យខូចសុខភាព ហើយប្រឈមនឹងគ្រោះថ្នាក់ចរាចរណ៍ដោយសារមើលផ្លូវមិនច្បាស់។

បទយកការណ៍ - សវនាការកាត់ទោសលោក កឹម សុខា ទំនងស៊ីពេលយូរ ខណៈអ្នកឃ្លាំមើលនៅតែចាត់ទុកថា ជារឿងនយោបាយ

តុលាការក្រុងភ្នំពេញ នៅថ្ងៃទី ១៥ មករា ឆ្នាំ ២០២០ នេះ បានបើកសវនាការកាត់ទោសជាប្រវត្តិសាស្ត្រលើមេដឹកនាំអតីតគណបក្សប្រឆាំង លោក កឹម សុខា ពីបទក្បត់ជាតិ។ សវនាការនេះ បានធ្វើឡើងដោយមានការឃ្លាំមើលពីប្រជាពលរដ្ឋ ព្រះសង្ឃ និងមន្ត្រីអង្គការសង្គមស៊ីវិលជាតិ និងអន្តរជាតិរាប់សិបនាក់ និងក្រោមការរឹតបន្តឹងសន្តិសុខយ៉ាងតឹងរឹង។