Radio Ishakwe

GUSOZA UMWAKA 2019, TUREBA IMBERE UW’2020 Mu kiganiro cy’uno munsi turagaruka ku bintu bitandukanye byabaye mu mwaka turiho dusoza w’2019, haba kw’Isi yose, mu Rwanda, mu karere, cyangwa se mu mashyaka ahanganye na FPR/DMI KAGAME. Ku buryo bw’umwihariko, uno mwaka wagendekeye ute Ishyaka ryacu ISHAKWE-RFM ? Ubutumwa ku bayoboke baryo ? Umwaka w’2020 dukozaho imitwe y’intoki waba uduhishiye iki haba ku Rwanda rwacu cyangwa mu karere rubarizwamo ? Ubutumwa ku Banyarwanda, ku bayoboke ba ISHAKWE-RFM : haba hari icyizere cyo gutsinda urugamba rwo gushaka impinduka mu Rwanda ruyogojwe na FPR/DMI KAGAME ? Umutumirwa : Dr Theogene RUDASINGWA Uwateguye ikiganiro : Joseph NGARAMBE 28 12 2019

Abo mu muryango wa Ben RUTABANA bakomeje gushinja ku mugaragaro Jenerali KAYUMBA NYAMWASA ishimutwa rye. Muri kino kiganiro turibanda ku biherutse gutangazwa na Madamu Emerence KAYIJUKA, undi mushiki wa Ben RUTABANA, akaba na we ari mu basinye ibaruwa  yo kw’itariki ya 02/10/2019, yandikiwe Jerome NAYIGIZIKI, nk’umuhuzabikorwa wa RNC. Madamu Emerence KAYIJUKA na we arunga mury’abo mu muryango basinyanye iyo baruwa, twumvise mu kiganiro gishize, ari bo Louis RUGAMBAGE, Tabitha GWIZA na Adeline RWIGARA. Hagati aho, akazu ka FPR/DMI Kayumba gakomeje kugurumana. Ikimenyetso nyamukuru ni iyirukanwanwa rya Jean-Paul TURAYISHIMYE, umwe mu bantu 10 bashinze RNC, akaba kugeza ubu yari inkoramutima ya KAYUMBA Nyamwasa n’inkingi ya mwamba ya FPR/DMI ye. Ntawakwibagirwa intambara ikomeje muri RNC, Intara ya Canada, aho bamwe mu bayobozi bayo (barimo n’abo mu muryango wa Ben RUTABANA) birukanywe bakabyanga, ndetse bikaba bimaze kugaragara ko mu byo Jean-Paul TURAYISHIMYE yazize harimo kuba yaritandukanije n’icyemezo cyo gutoteza abaharanira ko ikibazo cya Ben RUTABANA kibonerwa igisubizo. Mbese nyirabayazana KAYUMBA Nyamwasa we azavuga ryari ku mugaragaro kubyo ashinjwa mw’ishimutwa rya Ben RUTABANA? Abateruzi b’ibibindi bazamukingira ikibaba kugeza ryari? Umutumirwa Jonathan MUSONERA Uwateguye ikiganiro: Joseph NGARAMBE 04 12 2019

Twibutse ko kino kiganiro, cyabimburiwe n’ibindi 3, ari byo: 1) INZIGO KIGA-NDUGA : IVA HEHE? YAKIZWA N’IKI? (twabagejejeho kw’itariki ya 19 Kanama 2019); 2) INZIGO KIGA-NDUGA : UKO ABANYARWANDA BUMVISE IKIGANIRO BAYIBONA (twabagejejeho kw’itariki ya 21 Nzeri 2019). 3) INZIGO KIGA-NDUGA: NIRANDURWE KIMWE N’IZAYIBANJIRIJE Abatumirwa: Ba Bwana Jean-Jacques BOSCO na Evariste NSABIMANA. Uwateguye ikiganiro: Joseph NGARAMBE. 27 11 2019

FPR/DMI KAYUMBA NA MRND/CDR ZINYURANYE ZIKOMEJE GUFASHA FPR/DMI KAGAME KWICA ABANYARWANDA NO KWANDURANYA KU BATURANYI Abo mu muryango wa Ben RUTABANA barashinja ku mugaragaro Jenerali KAYUMBA NYAMWASA ishimutwa rye. Turabagezaho uno munsi ibyavuzwe na 3 mu basinye ibaruwa yandikiwe Jerome NAYIGIZIKI tariki ya 2 Ukwakira 2019, ari bo: Louis RUGAMBAGE, Tabitha GWIZA na Adeline RWIGARA. Aho guhumuriza uwo muryango wazahajwe bikomeye na Paul KAGAME, KAYUMBA NYAMWASA akomeje ibikorwa byo kujijisha. Uno munsi turibanda kw’ikinamico ry’umwe mu nkoramutima ze, Charlotte MUKANKUSI wiyita intumwa y’Imana. Hagati aho, kwegura muri FPR/DMI KAYUMBA, MRND/CDR CONDO na MRND/CDR BAHUNGA birakomeje. Nyuma ya Escort Kivera Jean-Paul TURAYISHIMYE na Victoire INGABIRE UMUHOZA, Ishyaka PDP-IMANZI riherutse gusezera kuri P5 tutahwemye kwita “Baringa”. Umutumirwa: Jonathan MUSONERA Uwateguye ikiganiro: Joseph NGARAMBE 19 11 2019

AMAHARI HAGATI YA FDU INKINGI NA VICTOIRE INGABIRE AZAGIRA IZIHE NGARUKA KU BATAVUGA RUMWE NA LETA YA FPR/DMI? Inkuru yabaye kimomo ko Victoire INGABIRE UMUHOZA yasezeye kuri FDU Inkingi agashinga irindi shyaka muri icyi cyumweru gishize. Ahari umuriro ntihabura umwotsi. Iki kibyimba gituritse cyari kimaze igihe kinini kininda, gisukuma. Iki cyemezo gikomeye ni agasongero k'ingorane zikomeye cyane kugeza ubwo umwe mu ntwari zashinze ishyaka, akaryitangira, akaribambirwa, agatandukanywa n'abe n'abamukunda ndetse n'ubu akaba akiri mu menyo ya Rubamba, ajugunya ibihoho. Gusiga ishyaka yitangiye, akarizira, si amahitamo ni amaburakindi. Iki kirunga kirutse cyerekanye ko Madame Victoire Ingabire Umuhoza yazahajwe n'ingoyi ya FPR/DMI hagakubitiraho n'ingoyi y'abanyagitugu bari mw'ishyaka rye kugeza ubwo bamumenesha akarisiga akagenda. Basize ibitenga bituzuye: hari benshi bishwe n'ingoma y'igitugu abandi baracyari mu manza, abo bose nta gikurikira y'ishyaka bazize bazongera kubona. Si ubwa mbere FDU-Inkingi icikamo ibice ariko n'ubwo baryumyeho, aho inyundo ikubise kenshi hasigara ubuce. Nta bisobanuro impande zombi zari zatanga ariko rero nyiramaso yerekwa bike ibindi akirorera. Muri iki kiganiro turaganira ku ngaruka z'aya makimbirane ku ishyaka ubwaryo no ku kuzukuru karyo DALFA kakiri agahinja, no ku ngaga n'impuzamashyaka FDU-INKINGI irimo. Ni izihe nkurikizi bizagira ku batavuga rumwe na Leta ya FPR/DMI? Niba FDU-Inkingi ivuye mu gihugu burundu, ibitambo byayo bibaye ibya nde? Muraba muri kumwe na Joseph NGARAMBE na Sixbert MUSANGAMFURA. 11 11 2019